आर्थिक वर्ष २०८२/८३ का लागि हरिनाश गाउँपालिकालाई ३० करोड ३० लाख बजेट विनियोजन

स्याङ्जाका ११ स्थानीय तहलाई ४ अर्ब ७५ करोडको संघीय अनुदान

स्याङ्जा, १० जेठ २०८२

आगामी आर्थिक वर्ष २०८२/८३ का लागि स्याङ्जा जिल्लाका ११ वटा स्थानीय तहले संघीय सरकारबाट कूल ४ अर्ब ७५ करोड ८१ लाख रुपैयाँ बराबरको अनुदान प्राप्त गरेका छन्। अर्थ मन्त्रालयले सोमबार सार्वजनिक गरेको वित्तीय हस्तान्तरण विवरणअनुसार जिल्लाका ५ नगरपालिका र ६ गाउँपालिकालाई उक्त रकम विनियोजन गरिएको हो।

नगरपालिकातर्फ २ अर्ब ७९ करोड ८२ लाख र गाउँपालिकातर्फ १ अर्ब ९५ करोड ९९ लाख रुपैयाँ वितरण गरिएको छ।

नगरपालिकामा सबैभन्दा बढी पुतलीबजारलाई

नगरपालिकामध्ये पुतलीबजार नगरपालिकाले सबैभन्दा धेरै ७५ करोड १ लाख रुपैयाँ प्राप्त गरेको छ। अन्य नगरपालिकाको अनुदान निम्नानुसार छ:

• वालिङ नगरपालिका: ६६ करोड ३३ लाख
• गल्याङ नगरपालिका: ५२ करोड १५ लाख
• चापाकोट नगरपालिका: ४३ करोड ९७ लाख
• भीरकोट नगरपालिका: ४२ करोड ३६ लाख

गाउँपालिकामा सबैभन्दा बढी कालीगण्डकीलाई

गाउँपालिकामध्ये कालीगण्डकी गाउँपालिकाले सबैभन्दा धेरै ४१ करोड ४१ लाख रुपैयाँ पाएको छ। अन्य गाउँपालिकाले प्राप्त गरेको रकम यस्ता छन्:

• विरुवा गाउँपालिका: ३४ करोड ३७ लाख
• आँधिखोला गाउँपालिका: ३३ करोड ७८ लाख
• हरिनाश गाउँपालिका: ३० करोड ३० लाख
• अर्जुनचौपारी गाउँपालिका: ३० करोड १२ लाख
• फेदीखोला गाउँपालिका: २६ करोड १ लाख

संघीय सरकारले देशभरका स्थानीय तहको वित्तीय सशक्तीकरणका लागि अनुदान विनियोजन गर्दै आएकोमा स्याङ्जाका स्थानीय तहले पनि पर्याप्त रकम पाएका छन्। अब यस अनुदानको सदुपयोग गरी स्थानीय विकास, पूर्वाधार निर्माण र सेवा प्रवाहमा गुणात्मक सुधार आउने अपेक्षा गरिएको छ।