हरिनास गाउँपालिकाद्वारा आयोजित सातौँ अध्यक्ष कप २०८२को भव्य उद्घाटन

हरिनास गाउँपालिका,स्याङ्जाद्वारा आयोजित सातौँ अध्यक्ष कप २०८२ को उद्घाटन समारोह आज जेठ ३ गते,हरिनास गाउँपालिकाका सम्पूर्ण नेवारहरूको सांस्कृतिक झाँकी र वडा नम्बर ७ को मगरहरूको नौमती बाजा सँगसँगै प्रमुख अतिथि तथा अतिथिहरूको स्वागत गर्दै सुरु गरिएको उद्घाटन समारोह सम्पन्न भएको छ। वडा स्तरीय पुरुष,महिला,भेट्रान्स भलिबल तथा ब्याडमिन्टन प्रतियोगिता समेटिएको यस कपको उद्घाटन गण्डकी प्रदेश सरकारका मुख्यमन्त्री माननीय सुरेन्द्र पाण्डेज्यूले गर्नुभएको हो।

मुख्य अतिथि र अतिथिहरू

कार्यक्रमको प्रमुख अतिथिको रूपमा गण्डकी प्रदेश सरकारका मुख्यमन्त्री माननीय सुरेन्द्र पाण्डेज्यू,पूर्व प्रदेश गण्डकी प्रदेश शिक्षामन्त्री तथा प्रदेश गण्डकी प्रदेशमन्त्री मेखलाल श्रेष्ठ,गण्डकी प्रदेशका सम्पूर्ण संस्थापक मन्त्रीज्यूहरू,स्याङ्जा जिल्लाका सम्पूर्ण नगरपालिका र पालिकाका अध्यक्षज्यूहरू,हरिनास गाउँपालिकाका सम्पूर्ण वडाध्यक्षज्यूहरू,स्याङ्जा जिल्लाका प्रहरी प्रमुखज्यू तथा इलाका प्रहरी कार्यालय चिसापानीका प्रहरी निरीक्षक ज्यू,स्याङ्जा जिल्लाका जिल्ला प्रमुख ज्यू,लगायत अन्य अतिथिहरूको आतित्थ्य रहेको थियो।

प्रतियोगिताको अवधि र उद्देश्य

सातौँ अध्यक्ष कप २०८२ को आयोजना हरिनास गाउँपालिकाको खेलकुद विकास समिति र गाउँपालिकाको समन्वयमा गरिएको हो। प्रतियोगिता जेठ ६ गतेसम्म सञ्चालन हुनेछ। वडा स्तरीय खेलाडीहरूको सहभागितामा हुने यस प्रतियोगितामा पुरुष,महिला,र भेट्रान्स भलिबलसहित ब्याडमिन्टन प्रतियोगिताहरू समेटिएका छन्।

अनुभवी रेफ्रीहरूको टोली

यस प्रतियोगितामा अन्तर्राष्ट्रिय रेफ्री ताहालसिंह थापा AVC को संयोजकत्वमा निर्णायक टोली गठन गरिएको थियो। राष्ट्रिय स्तरमा अनुभव भएका रुद्र बहादुर गुरुङ (कविता) राष्ट्रिय रेफ्रीको रूपमा सहभागी रहेका थिए।

रेफ्रीहरूको रूपमा प्रादेशिक रेफ्रीहरू सुरेश आले, बिमल जंग क्षेत्री, अशोक थापा, तेमनसिंह थापा, र कुमार गुरुङले विभिन्न खेलहरूको निर्णयमा आफ्नो योगदान दिएका थिए। उनीहरूको अनुभव र निर्णय क्षमताले खेलहरूको विश्वसनीयता सुनिश्चित गरेको थियो।

खेल परिणामहरू

१. पुरुष भलिबल प्रतियोगिता:

• हरिनास वडा नम्बर ५ ले हरिनास वडा नम्बर ७ लाई पराजित गर्दै जित हात पारेको छ।
• हरिनास वडा नम्बर १ र हरिनास वडा नम्बर २ बीचको प्रतिस्पर्धामा हरिनास वडा नम्बर २ ले विजय प्राप्त गरेको छ।

२. भेट्रान्स भलिबल प्रतियोगिता:

• भेट्रान्सतर्फ हरिनास वडा नम्बर ६ र वडा नम्बर ७ बीचको खेल १–१ सेटको बराबरीमा सकिएको छ। समय अभावका कारण खेललाई बराबरी घोषित गरिएको हो।

फोटो र भिडियो

आजको कार्यक्रमको फोटो हेर्नलाई

आजको कार्यक्रमको फोटो हेर्नलाई यहाँ क्लिक गर्नुहोस्।

भिडियो हेर्नको लागि तलको लिंकमा क्लिक गर्नुहोस्:

खेलकुद र अनुशासनको सम्मान

अनुभवी रेफ्रीहरूको उपस्थितिले प्रतियोगितालाई निष्पक्ष र अनुशासित बनाएको छ। खेलाडीहरूले नियमअनुसार खेल खेल्नुपरेको कारण खेलहरूको स्तर पनि उच्च रहेको थियो।

हरिनास गाउँपालिकाको यो प्रतियोगिता खेलकुदको माध्यमबाट सामुदायिक एकता र सहभागितालाई प्रवर्द्धन गर्ने उद्देश्यले आयोजना गरिएको हो। रेफ्रीहरूको पारदर्शिता र निष्पक्षताले प्रतियोगितालाई सफल बनाउन महत्वपूर्ण भूमिका खेलेको छ।

खेलकुदको महत्त्व र स्थानीय सहभागिता

खेलकुद क्षेत्रको विकासमा हरिनास गाउँपालिकाले सक्रियता देखाउँदै विभिन्न प्रतियोगिताको आयोजना गर्दै आएको छ। अध्यक्ष कपको यो संस्करणले पनि खेलाडीहरूलाई आफ्ना प्रतिभा प्रस्तुत गर्न र स्थानीय तहमा खेलकुदको प्रवर्द्धन गर्न प्रेरित गर्ने विश्वास गरिएको छ।

मुख्यमन्त्री सुरेन्द्र पाण्डेज्यूको प्रमुख आतिथ्यमा सम्पन्न भएको यस कार्यक्रमले खेलकुदको महत्वलाई थप उजागर गरेको छ। स्थानीय तहको सक्रियता र समर्पणले खेलकुद क्षेत्रमा नयाँ ऊर्जा थप्ने अपेक्षा गरिएको छ।

सातौँ अध्यक्ष कप २०८२ को सफलताका लागि आयोजक टोलीले सम्पूर्ण खेलाडी,प्रशिक्षक,र दर्शकहरूलाई सहकार्य र समर्थनका लागि धन्यवाद व्यक्त गरेका छन्।

कार्यक्रम समापन

हरिनास गाउँपालिकाको आयोजनामा गण्डकी प्रदेश सरकारका मुख्यमन्त्री माननीय सुरेन्द्र पाण्डेज्यूको प्रमुख आतिथ्यतामा ७औँ अध्यक्ष कप २०८२ को उद्घाटन कार्यक्रम आज जेठ ३ गते सम्पन्न भएको छ।

यस प्रतियोगितामा वडा स्तरीय पुरुष,महिला,भेट्रान्स भलिबल तथा ब्याडमिन्टन प्रतियोगिता समावेश गरिएको छ,जसले स्थानीय खेलाडीहरूलाई आफ्नो प्रतिभा प्रस्तुत गर्न महत्वपूर्ण अवसर प्रदान गर्नेछ।

कार्यक्रम उद्घाटन गर्दै मुख्यमन्त्री पाण्डेज्यूले खेलकुदले व्यक्तिको शारीरिक तथा मानसिक विकासमा महत्वपूर्ण योगदान पुर्‍याउने बताउनुभयो। उहाँले यस्तो प्रतियोगिताले स्थानीय स्तरमा खेलकुदको विकास र खेलाडीहरूको क्षमता अभिवृद्धिमा मद्दत गर्ने विश्वास व्यक्त गर्नुभयो।

अध्यक्ष कप २०८२ प्रतियोगिता यहि जेठ ६ गतेसम्म संचालन हुने जनाइएको छ। कार्यक्रमले स्थानीय खेल प्रेमीहरूलाई मनोरञ्जन दिनुका साथै खेलाडीहरूलाई आफ्नो प्रतिभा प्रदर्शन गर्ने मञ्च प्रदान गर्ने अपेक्षा गरिएको छ।

हरिनास गाउँपालिकाको यस प्रयासले स्थानीय खेलकुद गतिविधिलाई प्रवर्द्धन गर्दै नयाँ खेलाडीहरूको पहिचान गर्न र उनीहरूको भविष्यलाई उज्ज्वल बनाउन टेवा पुर्‍याउने विश्वास गरिएको छ।